Rex 的个人资料▒失忆▒备▒忘▒录▒照片日志列表更多  |  工具 帮助 |
放假系乜野放假就系食同训。
无惊喜，无意外，无激情。
放假就系就快翻工。
讨厌放假，尤其系无钱噶时候放长假。
好彩得三日，放多日都顶唔顺。
周围都系人。
讨厌。
睇arm中意噶野又唔买得，几时我搞到自己感样......点解要咁委屈。
基本上来讲，我讨厌男人伸手从我个荷包度拿钱，点解衣家自己要忍受。
哎。 牙痛只智慧牙好有智慧咁生左系一个好难描述噶位置度，于是一个感冒上火，又搞个冠周炎出来。
痛得我啊，又开口有障碍了。
中秋咁多野食，搞成咁认真运滞。 ......近排真系好多野烦。
阿爷阿嫲都老人痴呆入左院。从此，间屋就好似未静过感样。以为全部人分开住就无咩关系？错了。
好多野系度都唔敢讲，就惊比某d所谓噶“家人”系另外一d“家人”面前造谣生事。
老人家年纪大左真系会好多毛病，最紧要系会影响我地呢d做细噶人噶生活，把屎把尿，食饭训教。如果，有朝一日我系感......完全想象唔到落去。
日日都同条仔嘈。
莫非真系瓶颈期？唔系吖，好多人觉得我地应该结婚tim。外人lum个咯。
两个人相处真系好多问题。
最紧要系我个人meng，又唔就人，而距呢？无它噶，蠢咯，一言以蔽之。
到最后，无野好讲。你闹距，话距，距唔出声，搞到自己好似个白痴咁。
哎，唔讲了，我唔系祥林嫂。
做野就更加唔好提。
好心d香港人就train下先用信用卡啦，我都唔小呢d人了，80%都迟交卡数噶。
仲要蠢！！！
发现我真系越来越顶受唔到d蠢人。
好，听日终于开始翻夜了。有排晒月光咯。 火柴人终于休息。
超级开心吖今日。可以训到十点几。
下午去逛街......去买翻d爸爸妈妈姑姐伯父果d野翻屋企。
超级热，难得着住件top就出去。免得比人见到个样仲戴住副黑超tim，于是更加惹人注目。
我承认，我真系肥左好多。
但系，白白滑滑肥肥地，“那不就是很hao吗”？！
起码，睇落去都非常之有前有后吖。
but家阵行出来见到果d都系火柴人，黑黑地，十分瘦，仲有更瘦......
无论有胸、平胸、负胸（即系旁边d鬼鼠肉仲大过个胸果种），都要死夹烂夹整条沟出来比人睇，然后仲要比我见到个爸爸同个胸中间有成个拳头位离壳。
喂！装假狗都负责人少少吖！
人地要睇咖嘛......
有胸果d夹起身叫让半球，无果d偏偏又要gang硬顶起个心口。
睇到我几想讲，其实咁晒，不如着翻多d，当美白啦。
最有少少感觉似外星生物噶系，咁瘦咁矮仲咁大个头......
真系有d难接受......
你就当我妒忌兼赞美咯。 纯粹作怪九万年无上来，
上来写野纯粹系惊某一次再上个时候发现上吴到。
家下同香港人讲得野多，
搞到我都吴系好表达得到我伽意思。
工作系非常惊险同时又非常苦闷噶一件事，
唯一开心噶就系出粮果日，
然后因为要还卡数，
"shic"一声无晒d钱，
无比郁闷。
哎，
吴讲了。
讲来讲去米又系果三笃屁？！
够字数，吴使删我个blog了。
好歹之前都写左几年，
勉强都系有d野噶。
烦请各路神仙，
骤眼见到当睇吴到，
吴使留言，无须投票。
THX...... 黑色星期一今日噶黑由翻工搭车开始。 一开波去打的，无车。无广骏，无白云，无广交，连花园都无。最后坐左一部吴记得叫咩噶车。ok，都算了。其实今日预左会塞噶了，提早左成十分钟出门口。点知呢位阿姐司机，开的士都吴听交通台噶。盘福立交撞晒车都照产上去，足知搞到我差d连早餐都无时间买。 当然，呢份早餐饼干都系无时间食噶。一开波就大把非同寻常噶问题客，又九寨沟签账又呢样果样，香港人真系超级麻烦。跟住有个女人一个电话打来搞到我出左6张form，又n多人补发卡。总之，成朝跑来跑去。ok，都算了。睇怕都可以安全过关准备食饭。一时好心接多只call，就感lai野。 一只生于香港噶雌性癫狗吠左我足足20分钟，lai晒d吴关我事噶complain。下午仲要比距叼多成16分钟。都吴明白点解d人可以有距讲无人讲，真系越穷越见鬼。40几岁人甘无口德，学我阿婆话斋，因住收尾果几年吖！做人留一线，日后好相见。希望你吴系系香港d茶楼做野啦，因为话吴定边日就会比你闹过果d人淋翻你水咯。甘贱感闹人，小心比天收吖。 好了，lum住今日都比人闹够了，又比个惊个仔碌卡无钱找噶阿妈嘈左20分钟。甘想个仔听你话，比个狗圈箍住米得咯。你越无想比钱距，距自然就越想使伽啦。堵不如疏吖，阿姨，得闲睇多d整治河水泛滥噶书啦，吴好甘无文化啦。都系果句，养无掂，教无掂，当初就吴好生啦，免得为祸人间同埋麻烦我。 好，最后系临收工再死多次机。 黑得几完美吖。 今日最幸福噶就系翻来屋企有得饮瘦肉滚汤。 完事，一鞠躬。 仲有两个钟零20分钟，呢个甘黑噶星期一就过完了。希望听日吴会牙痛，吴会头痛，吴会颈耿膊痛。仲有无死机。 输？what a big deal?呃，大家吴好比个标题厄左，我吴系失恋，只不过系唱歌比赛衰左遮
过程系点，见到噶人都知道啦
吴知道噶......其实米就系......系咯，米就系吴记得歌词遮......个过程，真系吴想再讲，毕竟我吴系祥林嫂
日日翻工，日日放工
如果吴系有甘多frd，甘多好笑噶同事，可能真系非常枯燥
虽然今次衰左，不过吴紧要，下年再来过咯
最紧要开心遮
比人话我欢乐今宵都无所谓
恭维来噶
多谢你宝贵噶意见咯
呢d野我地对客都要学下甘阿Q伽喇
吴系点做落去呢？！
讲啦讲啦，闹人都只不过系唱歌，最多吴多好听遮
我地日日都要听d吴多好听噶歌啦
吴系噶话，点知边d歌先好听啊？
new alive and still alive呢个系一个好“梁”噶topic
咩另一个开始，就系我噶人生开始另一个阶段
开始做野了
原来工作真系同读书有好大噶分别
起码，一早起身上课系唔会有人工噶
当然
读书上课都系为左以后可以更好感稳到更多噶钱
无钱，肚都医唔饱
家下噶工作环境其实都好适合自己，起码翻工见到噶大叔唔多。所有人都好young，起码系生活态度同埋思想上边
当然，每个地方都有距好噶地方同唔好噶地方
想当年，我都觉得系学校系舞队系好开心好完美噶
但，完美系唔会系呢个世界出现
讲翻d开心噶野啦
我出粮啦！！！哈哈哈
以前翻工翻兼职都出过粮，但系呢份唔同，系我第一份正职噶人工。当然，现在仲系试用期，仲系training紧，但系我真系好开心，学到好多野。
真系，起码学到日日七点几起身
今晚，无聊之际睇翻sex and the city，觉得有好多野都讲得好arm
你可以为左一样野放弃自己噶习惯或者原则吗？两个人相处系米要支持对方，即使系一d好stupit噶野？边样野先系deal breaker？
其实相处或者如何，同工作都一样
有好多野系度唔可以讲，就算可以讲都要解释一大堆前因后果
所以都系发表下感受算了
今晚我同一个妹妹仔讲，你觉得以后入左大学，多左好多女人（距地学校女人特别多），会更多是非，更多心烦噶事
感当你做野果阵，你就知道，读书见到噶比起以后见到噶真系不值一提
起码读书噶是非唔会影响度你噶生计，食饭问题
大左一岁了，人lum噶野就更多了
（突然觉得呢个问题讲落去埋唔到尾tim，汗~）
哈哈，唔讲啦，恭喜自己可以捱左一个月，希望自己可以继续捱落去啦
生活就系......
捱呀...
捱呀...
捱呀... 当大学生遇上偷窃团伙呢件事发生系前晚落最大雨噶时候！ 话说当时我同男朋友正系荔湾路口站万佳落车，向呢个荔湾路“有腥气”酒楼进发。 果阵非常大雨。 我地两个一路行一路留意脚下的水tum。 系我前面d人行得好快，有个吖姨从我后面行到我前边，后边仲有几个人跟住。 开头我都无留意，你知啦，近视噶人系感噶喇。 突然发现个阿姨后边有个着白色衫噶男人猫住身开果个阿姨个手袋，仲拿个钳死系度liu开人地个手袋。 吴好以为有人会提醒，旁边有三个身材瘦削噶男人“护航”。 其他途人有甘快走甘快。 我都吴系第一次见到呢d场景了，贪得意话比我男朋友听。 点知条友听错我暗示，一时热血沸腾感喝止果几个人，“阿姨小心吖，有人偷野吖！” 我即时叫弊！ 如果我另外两个frd系度，我都会出声啦，问题得我地两个，手有寸铁——两把遮，但系人地四个人喔。 甘arm我地仲要shopping完，大包细包感，吴好讲人地可能有刀仔tim。 足知果四条友见偷野无望，即时转肽过来打我地两个“还让你们说，这么多事”。 果然做好人系吴会有好结果噶。 其他人四散走避，叫晒“救命”都无人正眼望一下。 有d人避紧雨，见你行埋来都缩开。 最后我地跑翻翻去万佳，灯火通明，谅距地都吴敢打我地。 我甘大个女都系第一次比人打。 果然呢个社会真系病左。 作为一个大学生，我觉得，见义勇为无错，只要量力而为就好。 我都吴系捉贼，只不过系喝止遮，无错。 错在我地估计错左呢个社会，同埋d贼噶理直气壮。 无人帮我地，学生都只系软弱无能噶小老百姓而已。 而d贼好似距地偷野系天经地义，你话距系你地吴arm，距打翻你都系为左保住距地饭碗遮。 果晚我觉得真系好冷。 吴单止系因为淋左雨，仲系因为呢个冷漠噶社会。 周年纪念旅游--上川岛（上）
不知不觉，原来我地已经系埋一齐成年了。 我lum，包括我自己，好多人都吴相信我地可以一齐甘耐...... 哈哈哈，我地竟然可以过周年纪念日喔~ 为左呢个事情，我地假借好多名义，两个人去海滩过二人世界。 虽然去海滩无我地想象中噶浪漫，或者讲，系我地两个都好实际。 食左好多濑尿虾...... 感好啦，系度讲下我地去旅行噶经过啦。 1、出发...1大早6点半起身，刷牙洗面化妆，飞的过去纪念堂西门稳车，早餐系两个嘉顿蛋糕（朱古力味噶）。 果度好好好多人，因为好多人去玩咯，而且吴止一间旅行社。 系n多旅行社噶车中稳到我地噶果间，问左好耐先知道自己坐边部车...... 搭车噶过程系...吴舒服。 我甘早起身，因为呢部车噶问题，搞到要死撑，仲要鬼甘冻，搞到我十分后悔吴着条长裤。 好彩旁边仲有个人比我去暖遮。 系南海又有一班人上车（呢班人好重要，因为翻来噶时候我同距地嘈交）。 其中有6个人3 pairs坐系前边，男肥女丑，另外有一家人，父母+两个仔（超生），嘈到死。 2、中午饭... 坐足3个几钟车，成11点几先去到个渡口，一路食饭一路等船去上川岛。 几好送，8菜1汤，可惜，熬完车无甚胃口。 只记得那里的风扇很大风，某人帮我剥虾子，旁边的小男孩把一碟的虾子扫荡了，如蝗虫一般。 3、上岛了... 终于，熬左30分船之后，正式登陆上川岛。天很高，海很阔，然后发现某人会晕船。 搭乘岛上的小巴，司机以头文字D式噶开车状态15分钟后把我们送到酒店。 原来说住的是“大酒店”，来到就变成了“酒店”。与其说是酒店，不如说是民宿。 还好，倒是挺干净的。 这里令我再次惊叹旅行社指鹿为马的高深功力。 4、踩海滩...
这里的沙很细很滑，也很干净。 重点是，今天人很少，不会像在海南岛那种很多人的旅游景点一般，嘈。 刚好这天准备来台风，浪很大，浮在上面很过瘾，不过如果有下次，我可不会再化妆了。 5、濑尿虾... 晚上我们自己去稳食，无奈两个人总不好点太多，食吴晒会好折堕。
是吧，看着都觉得饱... 今日又发神经，翻宿舍了如题...
颓废般人通常都系过左感样噶日子先知道，原来共产社会吴一定系最好噶。
好似我感，三餐无忧，手脚协调，五谷不分，无乜大目标大理想，无乜烦恼，日子倒真系有n多分难熬。
上来都无乜野发表，就系讲句，原来我同某个人都已经纠缠左成年了。
可喜可贺。
就快可以学小巫感来个周年庆典，不过...资金短缺，来个改良缩水版就算了。
不过我看上了gola噶小袋子，如果有人赞助下，我都吴介意收喔。
呵呵呵，光明正大地勒索。
仲有，难得上来一次，碰巧今日系秋仔同志的生日，恭祝距年年有性福啦！
仲有就系刊登一则寻人启事：
如本人的小猫shelley看到本启事后，请留言......
我挂住你了。
过两日初中聚会，我会影翻几张小照片找你的。
以下系一则通告：
敬请近期有兴趣稳我出来饮野谈心噶同志，吴好发短信，打电话预约就好。
test咳嗯...咳嗽一声先。 今晚好不容易先搞掂呢个Windows Live Writer，耿系要来尝试下好吴好用啦。 吴简单吖，首先系自己个blog度睇到有呢旧野可以用，然后down落来。 跟住距话比你听你装吴到，cause你无装.net Framewoke，仲要系1.1版以上。 ok，顺晒你意，再上网down个2.0版落来。 足足down左10分钟，然后逐个装。 装完满心欢喜lum住即刻用，发现距...超慢... 当然，自己得256ddr又吴可以怪微软噶，毕竟人地d软件矜贵吖嘛。 算，重启果然威力无边。 终于用得到了。 可喜可贺。 不过都真系值得我用甘多时间去装距，又真系几好用噶... 至于有几好用，自己down落来米知咯。 无谓多讲。 生日快乐今年生日又过左了，总的来说无上年甘“轰烈”，就系我同埋距两个人过。 当然，之前两日我都同老娘一齐过生日，谁叫她生日和我生日就差那么一日么。 生日无我想象中甘多惊喜。 很平静的。 连生日蛋糕都无食。 因为天气热吖，人总会比较地燥，上火得厉害，吃蛋糕还不如喝罐黄老吉。 脾气同气温成正比。 去看个电影都因为人多，新片上画等等噶原因，一连去了3转才看得成。 很开心的是，好多人都还是记得我的生日。 一开手机n条短信。 霎那之间都真是感动。 收到几个朋友的礼物，bonny送了瓶香水比我，水果味，很清新，我中意。 我男朋友都很中意，因为大部分还是他闻了去。 包子送了个很sexy的鼠标给我，两个胸还会荡漾的，真是令人哭笑不得。 不知到是不是光电鼠来呢？ 最衰space吴知点解上传吴到照片，不然就给大家看了。 有个插曲忘了说，第一次去看电影那天，好似是我的生日吧。 因为是首映，人多到不得了。 睇见上面个电子板话22：50之后果几场先有票卖，其他都满晒。 非常泄气，因为我地连零食都买埋准备睇电影噶嘛。 无奈时不予我，惟有走咯。 正在此时，一男子手持两张准备开始噶戏飞向我地兜售。 唉，甘多人，甘麻烦，咩mod都无晒啦。 连戏飞都吴知系米真噶。 有时我发现吴知点解d衰野一系吴来，一来就成群结队感来。 15号果日，一早吴系饿醒，系热醒左。 9点几就全个五山公寓无电。 当日气温最高达38摄氏度，平均气温高达36摄氏度。 有埋酷热天气黄色高温预警信号。 一于少理，继续训。 终于坚持到下午3点。 又热又饿。 平时都系停电就停水，不过消防喉都仲有水拿噶，点知呢日真系天要绝我，度度稳滴水都无。 无奈，桶装水都杀住先。 洗脸刷牙，哪哪声搭车同男友会和。 就系落车前，用左无几日噶新手机竟然出现开机白屏，简单d讲就系shock左。 meng到我A感。 掉低一大堆野比距帮我带翻去，自己又十十声打taxi翻宿舍，拿翻张保修单去中华整。 足足系果度等到8点先拿翻部正常翻噶手机走人。 三餐都无食。 近来不断有人camplain我瘦左好多。 每一次我同人讲我终于得翻100斤噶时候，个个都话我特灯刺激距地。 唉，感我之前事实系肥左好多啊嘛，瘦翻几斤开心都好正常遮。 以我噶高度来讲，100斤都吴算瘦到得翻棚骨吖，但系个个都话太瘦了。 但系如果+下增肥，体重数字吴好听吖。 （以上果段，完全系废话） 放假喇哈哈哈哈哈，今日终于考晒试喇，爽！
不过，感觉上好似科科都好危险感，唉，吴想又重修吖。
算，吴好提d甘扫兴噶野。
过多两日就生日了，好期待咯，不过都无lum过你会比到d咩惊喜我咯。
一切都照我噶规矩来做。
其实咩生日吖，圣诞节吖，之类的，都系比自己个借口去放纵而已。
无咩野好做，=过左生日之后就去佛山影相。
然后或者过一过香港。
考试闲人首先倒数下先，仲有9日就系我噶生日了，大家please准备好我勒索噶礼物喇！
青吖，我真系好中意果条女王鞭吖，你早d比我用来驯夫啦！
咔咔咔~
呢个学期话多吴多话少吴少都考5科噶，不过有三科开卷，另外果科环境经济学又考左了，就剩下3s了。
所以话，我都未进入终极考试状态，就得翻一科了。
平日就超级得闲，除左小说还是小说。
充实下自己噶知识面，大不了睇下报纸。
讲讲下我又lum起e+翡翠台周一到周五晚上10：30开始做《大国崛起》呢个节目。
发现真系吴得掂。
《大》呢出野我半年前睇左了，中央台噶配音，超正，成个人几乎可以融入果段历史，我连《大国崛起》呢本书都有。
果晚听讲翡翠台播，怀住兴奋噶心情准备重温一次噶，点知，睇左吴够5分钟就觉得，距玷污左呢出纪录片。
之前做《迷》噶时候，已经发现d人讲野好似当人傻x感伽喇，作状到鬼感，呢个狄娜就继承到arm arm好，难听到吴识讲。
一开篇竟然学人评论中国噶政治经济环境，讲来讲去讲赵紫阳喔，都吴系傻伽。
好心d制片就读多d书啦。
年初去香港比人访问，问我觉得中国内地学生比起港澳学生有咩优势，E家我可以讲得出，我觉得距地d人文知识真系好缺乏。
果日有个节目又系讲起内地学生同香港学生点睇爱国教育噶野。
我觉得，有d人自己都未知得清自己国家乃至当地噶历史就自顾自感学人对历史对制度评头品足，真真无稽之极。
闲噶人自然就可以关心下身边d人发生咩事，最值得恭喜噶自然就系某位师姐级噶女人，恭喜距度过感情危机。
听讲我果个蠢得可以噶表妹都话出去打工赚钱去旅行喔，先预祝距如果去得成就一路顺风咯，搭飞机吴会坠机。
甘得闲噶人自然会要身边噶某人吴得闲，见距考完试无所事事感真系好烦距。
讲多距两句就苦起块面，应承d野又吴做，真系赖皮。
好喇，好噶吴灵丑噶灵，无端比人偷左部手机了，距自然少不了比距老爹一顿好骂。
唉，如果距一直甘安于现状，我地以后噶日子点过落去吖......
毫无头绪ing...
当然，如果我吴再爱距的话，咩问题都解决晒。
but，我地plan好噶未来，真系吴想系现下放弃。
果然，老公养成计划呢个游戏，难度系数都ok高噶！
家下距都仲系初级召唤兽咋，要增加多d经验值咯......
热死人喇！闷啊，热死人喇！
广州的天气真是·#￥%…XOP…￥@#$X&
......
我都已经吴想形容天台与宿舍之间的温度差！
连饭堂噶空调系统都烂掉了，还有什么可以抵挡热浪？
难道我得每天坐3578次校巴避暑？
莫非要5点起床去图书馆霸个位置补眠？
又或者在天台搞个帐篷睡觉？
吴好啦~~~~
现在的生活重复温书、小说、洗澡、考试。
当然，看小说的时间是最多的。
如果可以舒服入睡都不会这样了。
唉，真的太热了，不写了。
还有，如果我没开手机，应该都是在看小说。
在热浪下入定。
6.14睇到标题未？
记住喇，仲有一个月就系我生日喇，有心无心都好，快d草定d钱，等我生日来打劫你地啦！！！
哈哈哈哈~
其实我都尝试过写野有point，但系问题我系lum到乜就up乜啊嘛...
所以有阵时无人明我讲乜都真系无符。
听日去睇小亭教出来班16中噶弟弟妹妹比赛，因为比赛系我噶母校3中。
地点系新果个会堂。
讲真啊，我睇住个会堂由未起仲系一个篮球场到距起好晒装晒修都未入过去。
今日稳左赵老师，先知道原来比人闹吴系因为我地自己队跳得差（虽然果日又真系跳得吴好），系因为果班不知所谓噶b boys。
果班人吴系我地队噶，系果个吴知乜鬼街舞老师带出来噶。
果个老师自己都水到乜感，果team人就更加吴使讲啦。
我地跳完又吴比我地落台，要系度帮果班b boy做气氛喔。
搞到人地以为我地team跳成感，映衰晒啊真系。
后来赵凤话以后吴好再比d感噶人同我地同一个节目上，降低晒我地d层次喔。
我都吴想啊。
有距呢句话就得啦，尚方宝剑一把。
今晚自己一个人吃饭，一碟送，一两饭。
爽！
纵其实分手并无我想象中甘难讲出口。 仲系非常轻易果种。 点解我今日甘平静感同你讲，系因为我发现，你真系太纵容我了。 基本上我已经无法无天。 好小一件事，你吴顺我意，我明知自己系无理取闹，明知系我错，但系我都系会发你脾气。 讲真，我知道你好爱我，但系都系会有底线，你可以容忍到几时？ 抱住呢个疑问同忧虑已经好耐。 我吴系无lum过去改变自己，吴好再甘任性。 不过，由奢入俭难。 如果真系有一日，你忍吴落去，而我又吴可以无左你，感点算呢？ 不如e+就放手。 所以我成日都系度讲分手，话就话系等你对我有信心d，吴好成日以为我会离开你。 其实正好相反。 我想熟习一下，如果突然之间失去你，应该点样再去生活。 可能无左你会好吴习惯。 真系好难再稳一个对我甘好甘好噶男人，纵容我由22岁倒退到3岁。 以后再稳男朋友都会不断拿距地来同你比较。 我知道，每一次我讲分手，你都会千方百计感抱实我，挽留我。 我都中意呢种感觉。 所以先会感讲。 即使系建立系你噶痛苦上面。 可能呢次我地无分手，但系下次，再下一次呢？ 我毫无头绪。 太缺乏安全感了。 原来人真的可以这样霉相信我，我真系第一次甘严重地知道原来当一个人时运不济可以霉成感。 呢排真系好鬼辛苦，8号果日7点起身去游泳池跳舞，10号晚上去暨大party，11号去天河体育中心跳舞。 而且之前果段时间都系度不断腾出时间来排舞，自己身体又吴好... 感都算了，就系我最多野做噶时候，连电脑都死埋，电话又shock左，成日无信号。 其实系度我真系好想点名闹人，但系有人又话我系度讲噶野可能又传到吴知边度喔... 所以由于惊住比人曲解我噶话，我又胆小噶原因，系呢个blog，我开始连言论自由都无埋！ 都未讲点霉。 当一个人行衰运，真系乜都吴好彩。 本来以为部电脑中毒或者内存出事，点知原来系死左块显卡。 手机就经常性地无信号。 个胃又周期性地吴想有野落去。 越来越多衫未洗，钱又越来越少。 同男朋友倾10次电话着紧有8次不欢而散。 连天气都越来越吴好。 我觉得呢排自己d心情真系有d怪。 好似以前我吴介意自己条仔比自己d朋友指来指去，做呢样做果样。 但系e+就好介意。 距明明系同我拍拖，又吴系同成支team拍拖，点解就系有d人当距系阿四感使？！ 就算距要做阿四，都系我专属噶。 所以好多人都觉得我欺负我男朋友，话距惧内，一见到距就叫距振夫纲。 就系呢d感噶感觉令我好吴中意某d人噶行为。 点知自己男朋友又经常吴争气，又成日做埋晒d好吴经脑噶事情。 真系激死我。 我都算精甩尾果d人啦，点解距同我一齐甘耐都吴晓得精明少少，做野有计划d呢？ 吴通我要求好过分咩？ 今日无去上课又比人点名... 吴通真系要阳光普照果日我先可以吴黑仔？！ 闷... 今日睇左段新闻，讲一个女仔做人二奶，惊住自己留吴住条仔，于是系个blog讲埋晒d关于sex噶出格言论。 就系为左做个网络名人来留住个男人。 最错噶就系距系个blog度登埋果个男人d相同自己d裸照来吸引眼球。 简直系自杀。 已经明明系二奶，即系吴出得街噶身份。 仲要将个男人曝光，即系自己吴想捞遮。我吴反对d咩第三者，只要吴好破坏人地感情，吴好害到d咩人，做d咩都无问题。 当然如果可以手段高明，令个男人移情别恋，将自己扶正，都不失为二奶生涯中噶美事。 可惜，真正做左人二奶噶，有几多个有感噶手段同头脑呢？ 自己都会有d lum法，如果有一日自己噶爱情出现左第三者，我要点样做。 可惜我一直都系好凶残感对自己男朋友，如果距真系因为第三者温柔可人而离开我，真系无可厚非。 吴通果阵自己10倍好感对距先可以留得住爱情？ 自问自己一向认为尊严比爱情要重要，宁可放手绝不低头。 睇怕如果距吴够包容力噶话，我都系只能同自己长相厮守了。 吴好听讲句，孤生独死。 讲讲下完全离题。 所以话，我写噶blog通常同题目都无乜联系。 |
|
|
